Ish-presidenti amerikan Barack Obama ka fituar një “Emmy” për rrëfimin e tij të serialit dokumentar të Netflix “Parqet më të bukura kombëtare në botë”, ka njoftuar Akademia Amerikane e Televizionit. Ceremonia e ndarjes së çmimeve do të bëhet më 13 shtator, por çmimet më të vogla njoftohen paraprakisht.
Një tjetër president kishte marrë më parë një Emmy: Dwight D. Eisenhower në 1956, por në rastin e tij ishte një çmim nderi.
Përveç Obamës, të tjerë të nominuar për çmimin “Emmy” në kategorinë e tregimtarëve ishin ish-ylli i NBA-së, Kareem Abdul-Jabbar (‘Black patriots: heroes of the Civil War’) “Patriotët e zinj: heronjtë e luftës civile”, aktorja fituese e Oscarit Lupita Nyong’o (“Serengeti II) dhe veterani natyralist David Attenborough.