Barcelona rigjen fitoren dhe Robert Lewandowski-n. Katalanasit fitojnë në ndeshejn e javës së 22 të La Liga-s me Cadiz në “Camp Nou” duke u rikthyer sërish në 8 pikë diferencë nga vendi i dytë i Real Madrid.
Në këtë mënyrë blaugranat i kundërpërgjigjen fitores së skuadrës “Los Blancos” me një ndeshje që e futën në “binarë” që në pjesën e parë. Sergi Roberto në minutën e 43-të dhe në kohën shtesë të pjesës së parë, Robert Lewandowski dyfishoi për t’i hapur rrugën suksesit të 19 sezonal.
59 pikë për skuadrën pothuajse perfekte të Xavi-t, i cili hedh edhe një hap tjetër drejt titullit të parë si trajner dhe trofeut të dytë në stolin e Barcelonës ku si mesfushor fitoi gjithçka të mundshme.