Hansi Flick është zyrtarisht trajneri i ri i Barcelonës. Ai ka nënshkruar një kontratë 2-vjeçare me katalanasit apo e thënë ndryshe deri në verën e vitit 2026. Flick mbërrin te Barcelona pas tri vitesh në krye të kombëtares gjermane.
Më parë, trajneri gjerman kishte zëvendësuar Niko Kovac në krye të Bayernit, pasi kishte udhëhequr klubin gjerman drejt suksesit të trefishtë në sezonin 2019-2020: Bundesligë, Champions League dhe Kupë e Gjermanisë.
Ai do të zëvendësojë trajnerin e sapolarguar Xavi Hernandez, i cili e mbylli kampionatin në vendin e dytë, por me 10 pikë më pak se Reali i vendit të parë.