Pas mbledhje së grupit parlamentar të Partisë Demokratike, Gazment Bardhi u pyet rreth një deklarate të Agron Dukës sipas të cilit që opozita të fitojë zgjedhjet e vitit 2025, duhet të bëjë koalicion të gjerë opozitar. Bardhi tha se në këtë koalicion është i mirëpritur çdo kush që e ndjen veten kundërshtar të Edi Ramës, por në lidhje me Lulzim Bashën, kreu aktual i Partisë Demokratike, tha Basha është zhdukur nga angazhimi politik.
“Besoj qëndrimi im është publik. Kushdo që ndjehet në opozitë me qeverinë e Edi Ramës t’i bashkohet frontit opozitar. Këtë pyetje bëjani zt.Basha. Nëse është fshehur kërkojeni. Pyesni zt.Basha nëse është në opozitë. Unë nuk e shikoj fare siç nuk e shikoni ju. E kam parë vetëm një herë të vraponte kur duheshin votat në seancë të ligjit të çimentimit të kapjes nga Edi Rama të Gjykatës Kushtetuese dhe besoj nga ajo ditë ka humbur nga vështrimi. Nuk e kam kërkuar sepse nuk është misioni im të kërkoj të humburit.