Kreu i grupit parlamentar i PD-së, Gazment Bardhi ka njoftuar deputetët mbështetës të tij dhe të Berishës për mbledhje grupi ditën e nesërme. Në njoftim thuhet se mbledhja do të zhvillohet në orën 13:00.
“Nesër, e enjte, në orën 13:00 do të zhvillojmë mbledhjen e Grupit Parlamentar në sallën e grupit në Kryesinë e Kuvendit. Ju falenderoj!”, thuhet në mesazhin e Bardhit.
Nesër nuk do të ketë seancë plenare në Kuvendin e Shqipërisë pasi të hënën u mbajt seanca për buxhetin 2024, që u miratua me 73 vota në parim mes kaosit të shkaktuar nga Rithemelimi.