Kuvendi i është rikthyer skenave të retorikës së agresionit. Sekretari i Përgjithshëm i PD-së, Gazment Bardhi është shprehur se kryeministri Edi Rama në vend që të merret me opozitën për humbjen e saj më 14 Maj, sips tij, duhet të shpjegojë para shqiptarëve se pse nuk flet për non-gratën e Tom Doshit falë të cilit mori zgjedhjet.
“Shpjegove rezultatin e opozitës, por nuk shpjegove rezultatit të aleatit tënd non-grata Tom Doshin. Se në fakt konkluzioni më domethënës është rezultati i aleatit politik të Ramës. Ai është thelbi i pushtetit të Ramës, një këmbë të pushtetit në Durrës ja ka ngarkuar Vangjush Dako i damkosur non grata, në Shkodër Tom Doshi. Në vend të japë llogari për masakrën që bëri më 14 Majti, merret me opozitën”,-tha Bardhi.
Reagimi nga Bardhi erdhi pasi Rama tha se opozita u braktis nga shqiptarët, ndërsa përkundrazi mazhoranca u mbështet nga qytetarët.