Sekretari i Përgjithshëm i PD, Gazment Bardhi ka akuzuar kryeministrin Edi Rama për kopjim të programit elektoral të paraqitur nga Berisha. Për të Rama ka humbur ide dhe vullnet për të qeverisur vendin në interes të qytetarëve dhe tani për të tërhequr mbështetje para zgjedhjeve, sipas tij ka filluar të kopjojë propozimet e PD-së.
Postimi i plotë
Edi Rama nuk ka patur ndonjëherë as ide, as vullnet për të qeverisur vendin në interes të njerëzve. Tani që numërimi mbrapsht ka nisur dhe e ka kuptuar se shqiptarët nuk ngopen më me lugën e tij bosh, Edi Rama harroi kur tallej dhe tani po kopjon rëndshëm programin elektoral të Sali Berishës. Mirë që Berisha s’ka pasion të pikturojë, se kushedi ç’do të na kishin parë sytë nga kopjaci i qeverisë.
Dhe ndërsa Edi Kopjaci përpiqet të zvarritet drejt zgjedhjeve me politikën e tij të dështuar mashtrim dhe vetëm mashtrim, me Partinë Demokratike po bashkohen gjithnjë e më shumë shqiptarë që duan ndryshimin! Zotimi ynë pas 11 Majit:
-Asnjë pension nën 200 euro.
-20 % Rritje për çdo pension.
-Kthim i TVSH për ushqimet deri në 2 pensione në vit.
-Paga minimale 500 euro.
-Paga mesatare 1200 euro.