Mjaft i ashpër ka qenë në daljen e tij për mediat kreu i opozitës Lulzim Basha i cili ka paralajmëruar kështu dhe mosnjohje të zgjedhjeve të 25 prillit. Ai i quajti masakër zgjedhore teksa tha se opozita do të vijojë betejën në të gjitha frontet dhe mundësitë që ekzistojnë për të përmbysur regjimin që ai e quajti Rama-Doshi-Rakipi.
“25 prilli është një masakër elektorale dhe rezultati ynë flet qartë. Besimi shpresa që zgjuam dhe bashkuam pavarësisht prej rolit të paprecedentë të
Detyrimi ynë i parë është para gjithë shqiptarëve. Ne vazhdojmë mbledhjen dhe faktimin e masakrës zgjedhore të 25 prillit, të gjithë kamerat e mikrofonët e medias së lirë duhet të drejtojnë pyetjen legjitime të treshja Rama-Doshi-Rakipi. Si i morën votat tre deputetët e Tom Doshit të listës së zezë të Departamentit të Shtetit, si i mori votat Vangjush Dako i listës së zezë të Departamentit të Shtetit, bashkë me Jurgis Çyrbjen e kokainës e Plarent Dervishit, me Rahman Rrajën e kokainës dhe klanin kriminal. Si i mori votat djali i Aqif Rakipit dhe dhëndri i tij? Kjo betejë do të bëhet në të gjitha frontet dhe mundësitë që ekzistojnë dhe përfundimi i saj do të jetë i qartë, rrëzimi i regjimit Rama-Doshi-Rakipi dhe kthimi i Shqipërisë për shqiptarët”, tha Basha.