Lulzim Basha në vizitën e tij në qytetin e Librazhdit ka zhvilluar një takim me pensionistët, ku kanë bashkëbiseduar rreth problemeve që i shqetësojnë.
Partia Demokratike thotë në lajmet e gatshme që shpërndan, se të moshuarit i thanë Bashës se pensionet janë shumë të ulëta dhe se nuk u dalin as për të blerë ilaçet.
Problem tjetër që ngritën ishte dhe gjendja e spitaleve si dhe mos rimbursimin e ilaçeve.
“Jam 80 vjeç, ky është viti i 80 që shkoj me një pension 18 mijë lekë të reja. Marr 72 mijë lekë ilaçe për vete dhe për familjen. Çmimet kanë shkuar në qiell”, u shpreh një nga pensionistët.
Mirëpo, PD citon Lulzim Bashën që në premtimin e tij është sa qesharak, po aq edhe pa sens.
“Kryedemokrati u zotua se qeveria e tij e ardhme do të rrisë pensionet sa norma e inflacionit dhe jo më pak se 5%”, thotë PD.
Pra të moshuarit që marrin 180 mijë lekë, pritet që Basha t’ua rrisë pensionin me 5%, e thënë ndryshe me 9 mijë lekë të vjetra!