Në një dalje për mediat pas takimit me ambasadorin e ri gjerman, Peter Zingraf, kreu i opozitës Lulzim Basha sulmoi prokurorinë që sipas tij po mbyll dosje të bujshme në vend.
Ai i quajti Arta Markun, Prokuroren e Përgjithshme dhe Donika Prelën, kreun e Prokurorisë së Krimeve të Rënda si “Katicat” e Shqipërisë, duke i paralelizuar me kryeprokuroren maqedonase Katica Janeva e përfshirë në një skandal korrupsioni. Basha tha se Marku dhe Prela duhet të ndiqen penalisht për shpërdorim detyre.
Ndërkaq ai foli sërish për kryebashkiakun e Vorës, Agim Kajmaku, për të cilin tha se Edi Ramën e kanë informuar ndërkombëtarët për dosjen e tij.
“Pyetja eshte edhe sa kryebashkiake te kriminalizuar ka futur Edi Rama? Shkodra, Vora dhe lidhjet e Rilindjes me krimin tregojne se Shqiperia eshte ne udhekryq te rrezikshem dhe duhet te dale prej saj.Kriza politike zgjidhet me zgjedhje te lira e te ndershme, te garantuara nga nje qeveri tranzitore pa Edi Ramen”, tha Basha.
Ndërsa lidhur me takimin me ambasadorin e ri gjerman Basha tha se tek ai do të gjejnë “një partner për të hedhur çdo hap që zgjidh krizën sipas standardeve, normave dhe parimeve europiane”.