Një ditë para protestës kreu i PD-së, Lulzim Basha është takuar me studentë e pedagogë të universitetit të Durrësit. Shqiptarët tashmë e kanë marrë vendimin thotë kreu i opozitës, duke i kërkuar të gjithëve të jenë në protestën në Tiranë.
“Shqiptarët e kanë marrë vendimin, zot në shtëpinë e tyre nuk do të jenë më as kriminelët, as hajdutët, grabitësit, e as perversët”, tha Basha.
Vangjush Dako e ka vendin në burg, tha Basha referuar edhe dosja e të cilit është përmendur nga Zëri i Amerikës. Për të argumentuar djegien e mandateve ai tha se: deputetët e Durrësit nuk mund të rrinin në krah të Rrahman Rrajës e Jurgis Çyrbes. Propoganda e Ramës se të gjitha janë njësoj ka vdekur, nuk jemi të gjithë njësoj. Ai kanabizioi vendin, e futi ekonominë në kolaps. Ne kurrë nuk kemi qenë më të qartë se kur i dhamë fund fasadës e bashkë me të Parlamentit të krimit dhe të hajdutërisë”, vijoi ai.