Kreu i PD, Luzim Basha gjatë një takimi me të rinjtë dhe qytetarë të Pogradecit, ka folur për arrestimin e Klevis Balliut pak ditë më parë.
Basha u shpreh se Balliu po mbahet në burg vetëm sepse doli në krah të banorëve që sipas tij po dhunoheshin nga policia, ndërsa shtoi se Rama ka vendosur të rikthejë burgun politik.
“Na mungon dikush sot sepse Rama ka vendosur të kthejë burgun politik, Klevis Balliu, i cili mbahet me urdhër politik sepse qëndroi në krah të qytetarëve që po i dhunonte policia. Unë jam krenar për të, dhe mesazhi që ju çon është që të qëndrojmë edhe më fort, edhe më të bashkuar në krah të njerëzve dhe ta tregojmë veten fuqimisht të shtunën më 11 maj në Tiranë”, u shpreh Basha.
