Prej kohësh në një heshje publike, ish-kreu i Partisë Demokratike Lulzim Basha ka folur për situatën me Iranin, ku këtë të enjte nga jashtë sallës së Kuvendit, tha se mund të pritet gjithçka nga regjimi i Iranit pas dëbimit të diplomatëve nga Rama.
Për t’i paraprirë këtyre sulmeve ose për t’i parandaluar, Basha bëri thirrje për rritjen e kapaciteteve institucionale. Ish-kryedemokrati kujtoi se ka pasur rrjedhje informacioni edhe para sulmit kibernetik, gjë që nënkupton se Shqipëria nuk është e përgatitur për reagimet nga Irani.
Kryeministri Edi Rama kërkoi të mërkurën që stafi diplomatik i ambasadës së Republikës Islamike të Iranit të largohet brenda 24 orëve nga Shqipëria.