Kreu i Partisë Demokratike Lulzim Basha ndodhet sot në Fier, u është pritur nga një numër i lartë qytetarësh.
Basha u shpreh para tyre se erën e ndryshimit e ndjen kudo. Gjithashtu, kreu i demokratëve u bëri thirrje simpatizantëve të ruajnë distancën, megjithëse kjo duket e pamundur.
“Më keni falur emocione të jashtëzakonshme por asnjëherë si sot me këtë pritje të mrekullueshme. Era e ndryshimit po fryn kudo në Shqipëri. E shoh në sytë e mbarë shqiptarëve, e dëgjoj në zërin tuaj. Era pozitive e ndryshimit do të sjellë mirëqenien. Ju falënderoj nga zemra. E di se kur era e ndryshimit frynë, 25 prilli do të jetë një ditë e mirë për çdo shqiptar. Dua t’ju lus nga zemra të vazhdojmë të respektojmë kushtet në të cilat ndodh kjo fushatë, të mbajmë maskën dhe distancën. Të çojmë edhe më lart frymën e shpresës dhe ndryshimit. Bashkë do të fitojmë. Shqipëria do të fitojë”, tha Basha.