Kreu i Partisë Demokratike, Lulzim Basha bëri të ditur para studentëve të Shkodrës vendimin e grupit parlamentar të partisë që drejton. Akti i parë që qeveria e PD do të ndërmarrë është anulimi i ligjit për Arsimin e Lartë tha ai.
“Anulimi i Ligjit për Arsimin e Lartë do të jetë akti i parë që qeveria e Partisë Demokratike do të ndërmarrë. Por kjo nuk mjafton. Ne duhet të nisim tani punën për hartimin e një ligji të arsimit të lartë, të standardeve dhe parimeve evropiane”, tha Basha.
Ai u shpreh se në këtë grup pune do të ketë deputetë që mbulojnë fushën e arsimit, përfshirë edhe pedagogë, ekspertë të fushës nga Partia Demokratike. “Do të nisim menjëherë konsultimin me dy grupe kryesore të interesit, me studentët dhe me pedagogët”, vijoi Basha.