Kreu i Partisë Demokratike, Lulzim Basha, i është përgjigjur pozitivisht fteses së Presidentit të Repubikës Bujar Nishani për tu ulur në një tryezë bisedimesh me Kryeministrin Rama.
Deklarata e plotë
Partia Demokratike dhe i gjithë Koalicioni Opozitar mirëpresin ftesën institucionale të Presidentit Nishani për dialog në funksion të zgjidhjes së krizes së rëndë politike që ka mbërthyer Shqipërinë. Ndonëse shkaktari i kësaj krize Edi Rama me veprimet dhe qëndrimet e tij ka vendosur interesin e tij vetjak para interesave të qytetarëve shqiptarë, opozita dhe Partia Demokratike kanë kërkuar gjithmonë rrugën e dialogut të vërtetë dhe jo fasadë për tu bashkuar në luftën kundër krimit, drogës, korrupsionit dhe kthimit të shtetit në garnizon elektoral të pushtetit, që kërcënojnë asgjësimin e zgjedhjeve, demokracise dhe stabilitetit përmes zgjidhjes së ofruar Partia Demokratike dhe Koalicioni Opozitar rikonfirmojnë gatishmërinë e tyre duke ju përgjigjur pozitivisht ftesës së Presidentit Nishani.