Pasi u quajt ”tradhtar, mercenar dhe i paburrë” nga Flamur Noka dhe deputetët e Rithemelimit në oborrin e Parlamentit këtë të enjte, Lulzim Basha doli në një konferencë për mediat. Ai tha se PD-ja e Sali Berishës mezi mbush rrugicat, dhe se duket qartë se ata kanë vendosur interesat personale mbi interesat e qytetarëve. Basha nënvizoi edhe se Partia Demokratike e drejtuar prej tij refuzon që t’i bashkohet këtij grupimi, për sa kohë që sipas tij, askush nuk ngjall besim të populli.
“Arsyeja e vetme është dobësimi i opozitës nga një grusht njerëzish që interesin personal e kanë vënë mbi interesat e qytetarëve, kjo strategji duket kudo, si sot në parlament, duket në tendencën për t’iu imponuar halleve të qytetarëve.
Në vend që të ngjall besim ngjall dëshpërim, në vend që të derdhet në bulevarde mezi mbush rrugicat, të lënë mënjane interesat personale, nuk jemi pjesë e kësaj, kemi bërë thirrje dhe kemi paguar një çmim të lartë që kjo të mos ndodh.
PD të mos shkatërrojë ndjesinë e shpresës , por të ndërtojë një të tillë përmes qëndrimeve, propozimeve, ofertave programore dhe së shpejti një ekipi njerëzish që testin kryesor e kanë për të provuar që janë aty jo si mbushës numrash, por për t’i dhënë fund telelonevelae me 4-5 aktorë me 1-2 regjisor”, tha Basha.