Kryetari i Partisë Demokratike Lulzim Basha ka mbajtur një fjalim në çadrën e protestës. Ai ka komentuar edhe propozimin e Ilir Metës për psotin e presidentit të republikës. Basha tha se ky është pazari i radhës mes tyre që e trajtojnë gjithçka si një plaçkë.
“Edi Rama është kryeministri i papërgjegjshëm në largim. Ka nisur të sillet që tani si opozitë e papërgjegjshme, ndërkohë ne opozita juaj, që sot po nisim të marrim përgjegjësitë për qeverisjen e republikës së re. Tradhtia është sot fjala që ju shkon ndër mendje shumicës dërrmuese të një pjesë të shqiptarëve me mendje të majta, që më kot besonin se Rama e ka me të vërtetë kursin e reformave. Sot është provuar se reforma që Rama i ka në majë të guhës nuk është gjë veçse pjesë e teatrit të kukullave. Rama nuk do një Shqipëri të reformuar, por një çiflig që mund ta grabisë me konçesione e tendera, ta mbushë me drogë e të bëjë pazar me gjithçka, duke ëprfshirë zyrën e kreut të shtetit. Ndaj sot, më shumë se çdo ditë tjetër, ta dini se edhe më skeptikët ndaj kësaj çadre, e kuptojnë se ajo që kemi thënë është e vërteta dhe e drejta se Shqipërinë, Rama e do për plaçkë.
Dita e sotme konfirmon katërcipërisht se këta konsiderojnë gjithçka plaçkë të tyre. Këtu është katandisur demokracia fasadë me kupolën e Edi Ramës dhe Ilir Metës. Këtu ka përfunduar posti i presidentit që pasi i hoqën çdo kompetencë, tani e trajtojnë si një rifuxho, si një plaçkë për të kënaqur njëri-tjetrin dhe për të mbyllur pazarin e pisët”, tha Basha/TiranaNews/