Kryetari i Partisë Demokratike Lulzim Basha mbron fort kërkesën e tij për krijimin e një qeverie teknike që do të organizojë zgjedhje të lira dhe të ndershme.
I ftuar në emisionin “Opinion” të Blendi Fevziut, Basha theksoi se gjëja e parë që do të bëhet pas miratimit të një qeverie teknike, është votimi në unanimitet i vetingut.
Basha shtoi gjithashtu se do të pranojë që kryeministri i qeverisë teknike të propozohet nga Edi Rama.
“Jam i gatshëm që me një qeveri teknike, me një kryeministër teknik të propozuar nga Edi Rama, të miratojmë vetingun dhe të hymë në zgjedhje të lira dhe të ndershme”, u shpreh Lulzim Basha./TiranaNews/