Basha ishte duke udhëtuar drejt qytetit të Beratit kur disa qytetarë e kanë pritur me brohoritma dhe thirrje kundër kryeministrit Edi Rama në Urën Vajgurore.
I emocionuar nga surpriza e beratasve, Basha zbriti nga makina, por kur hipi në vend të parë udhëzoi shoferin të ecte edhe pse nuk kishte vënë rripin e sigurimit.
Kreu i PD-së ka rrezikuar kështu veten, pasi mosvënia e rripit të sigurimit mund të ketë pasoja fatale në rastin e një aksidenti.
Për këtë shkelje shoferi duhet të gjobitet deri në 150 mijë lekë të vjetra, ndërkohë Basha është duke i dhënë një shembull të keq qytetarëve, ndonëse duhet të ishte i pari që respekton rregullat e qarkullimit.
Kujtojmë se eskorta e Bashës i ka shkelur edhe një herë tjetër rregullat e qarkullimit, pasi parakaloi në superstradë, në një zonë ku ndalohet parakalimi.