Pak para nisjes së “Foltores” në qytetin e Kukësit, aktori Jul Deda ka “thumbuar” kreun e PD-së.
Përmes një postimi në rrjetet sociale ai shfaqet me një flamur shqiptar dhe një amerikan duke nënkuptuar fjalinë e Bashës për ndalimin e kuvendit antiamerikan.
“T’fala nga Kukesi…!”,shkruan Deda.
Kujtojmë se mbledhja e e Kryesisë së grupit parlamentar të Partisë Demokratike për axhendën e parlamentit është shndërruar në një debat mes Flamur Nokës dhe Lulzim Bashës për Sali Berishën.
Për më shumë se një ore, Noka ka akuzuar Lulzim Bashën se ka shkelur statutin, duke përjashtuar Sali Berishën pa pyetur forumet, duke sjellë në vëmendje rrezikun për të ardhmen e partisë.
Por për herë të parë, Lulzim Basha i ka dalë kundër aksionit të udhëhequr nga Sali Berisha, i cili po mbledh firmat për mbledhjen e forumit më të lartë të PD, duke deklaruar prerë se ai nuk do të lejojë mbledhjen e Kuvendit kombëtar të PD.
“Nuk ka dhe nuk do të ketë grupim antiamerikan nën siglën e PD-së. Nuk do të ketë Kuvend të PD-së, që vë në diskutim vendimet e qeverisë amerikane.”, tha Basha.