Vetëm pak orë pasi KAS pranoi ankimimin e Enkelejd Alibeajt për regjistrimin e PD-së në zgjedhje, ish-kryeministri Sali Berisha ka bërë publike logon e koalicionit opozitar “Bashkë Fitojmë”.
Siç shihet në logo mbizotërojnë ngjyrat kuq dhe blu ndërkohë shihen dhe dy duar të bashkuar.
”Bashkë fitojmë” është emri i koalicionit mes Sali Berishës, Ilir Metës dhe disa partive të vogla për zgjedhjet lokale të 14 Majit. Kandidatët e dalë nga procesi i Primareve do të garojnë në zgjedhje me këtë logo.
Partia udhëheqëse është PL, ndërsa pjesë e koalicionit janë edhe Partia Demokratike e Shqipërisë, Partia Demokristiane dhe Partia e Bashkimit për të Drejtat e Njeriut.
Kërkesa për regjistrimin e koalicionit zgjedhor në KQZ është dorëzuar mbrëmjen e djeshme nga nënkryetari i PL-së, Endrit Braimllari.