Koalicioni “Bashkë Fitojmë” i është drejtuar Kolegjit Zgjedhor me kërkesë shfuqizimin e vendimit të KAS në lidhje me vendimin e marrë mbi fletët e votimit për zgjedhjet lokale të 14 majit.
Koalicioni kërkon që përbri emrit “Bashkë Fitojmë” të vendosej si drejtues i koalicionit emri i ish-kryeministrit Sali Berisha, kërkesë që u hodh poshtë ditën e djeshme nga KAS, në vendimin e të cilit u bë i ditur se përbri emrit të koalicionit duhet të shkruhej emri i kreut të Partisë së Lirisë, Ilir Meta.