Presidenti i Republikës, Ilir Meta i pyetur për një bashkëpunim të mundshëm midis kryeministrit Edi Rama dhe kreut të PD-së, Lulzim Basha pas zgjedhjeve.
Kreu i Shtetit thotë në “Opinion” me ironi për Ramën se “ky pro-amerikan i jashtëzakonshëm, tani të ftojë për bashkëpunim këtë agjent të Rusisë”.
‘Keni merakun që populli shqiptar është i shqetësuar që pushteti të mos jetë në një dorë dhe të ndahet në dy duar?! Populli shqiptar është i shqetësuar që ministrat të mos bëjnë veprime kriminale, korrupsion flagrant dhe njerëzit po vdesin në spitale. Në Vlorë e dorëzuan babain në spital dhe pas një muaji e gjysmë e kuptuan që kishte vdekur dhe gjendej në morg.
Merak partie dhe ish-qeverie nuk kam. Po ta kisha rritja te PS-ja. Për mua ka rëndësi që çdo votë të jetë e barabartë. Për mua ka rëndësi që qytetarët të mund të votojnë edhe për kandidatin dhe që këto zgjedhje të jenë të pranueshme dhe sa më afër të atyre të Kosovës. Edi Rama, ky pro-amerikan i jashtëzakonshëm, tani të ftojë për bashkëpunim këtë agjent të Rusisë.’-tha Meta.