Costanza Caracciolo dhe Christian Vieri sapo janë bërë prindër. Ish velina, tashmë e realizuar ka zgjedhur të flasë për “La Gazzetta dello Sport”, e cila i rrëmbeu zemrën Bobos.
E pyetur nëse ndihej xheloze për të kaluarën e futbollistit të njohur italian ajo përgjigjet e sigurtë: Pse duhet të jem? Të gjithë kemi pasur një të shkuar, sigurisht që ai ka pasur femra të bukura. Disa madje i njoh, po nuk ia kam marrë burrin askujt. Njihemi prej shumë vitesh, afrimi ynë ka qenë gradual. Nuk kisha pritshmëri me të, por sot gjithçka është më e bukru se çmund ta kisha ëndërruar”.
Diferenca e moshës mes showgirl dhe futbollistit, aq sa ajo është “dashuruar” me të që kur ishte një adhuruese e tij e vogël, për të nuk është problem.
“Isha 9 vjeçe kur çmendesha për Bobo dhe Ronaldo, seriozisht. Të mendoje që pas 20 vitesh… kam njohur një burrë me “B” të madhe, flet pak por tregon shumë. Ishte për shembull fantastik pas lindjes së Stelës (vajzës). Isha e shkatërruar, pas dy ditësh me dhimbje do më duhej të bëja lindje cezariane. Ishin ditë të vështira. Por nuk më la vetëm asnjë minutë”.
Costanza rrëfen dhe ditën më të keqe të saj, atë të humbjes së fëmijës, para lindjes së Stella. “Isha te dentisti kur doli lajme në gazeta e portale se isha shtatzënë. Nga aty pak orë më vonë mora vesh se kisha humbur fëmijën. Ishte një ditë e tmerrshme, me të gjithë mesazhet e urimit që më vinin. Asnjë nga gazetarët nuk më telefoni para se të dilte lajmi i shtatzënisë. Prisja me delikatesë, vëmendje; do të kisha dashur të më pyesnin para kësaj, ose të paktën të prisnin të kisha kaluar momentin kritik siç e ka çdo shtatzëni. Çfarë zhgënjimi, zemërimi, dita më e keqe e jetës time”.
Por pas rreth një viti, ish velina buzëqesh sërish bashkë me Christina-in e saj dhe frytin e dashurisë së tyre.