Fushata politike në Qarkun e Dibrës është ndezur. Drejtuesi politik i PD-së Xhelal Mziu ka nisur takimet në 35 njësitë vendore të rretheve Dibër, Mat e Bulqizë. Ai ka takuar militantë të PD-së dhe ka publikuar në rrjete sociale intervista të ndryshme, duke ngritur akuza për qeverinë Rama dhe drejtuesit lokal.
Bashkia Dibër ka përgënjështruar publikimin e fundit të Mziut në lidhje me trajtimin e familjeve në Njësinë Administrative Maqellarë. Drejtuesit vendor publikojnë fakte që hedhin poshtë akuzat e drejtuesit politik të PD-së.
Postimi i plotë i Bashkisë Dibër:
Mbi gënjeshtrën e videos së publikuar nga drejtuesi politik i Partisë Demokratike të qarkut Dibër duke përdorur dhe manipuluar dy banorët e fshatit Çernenë në Maqellarë
Ja e vërteta!
1.Qytetari Sami Dedja trajtohet si person paraplegjik në masën 29,493 lekë dhe gjithashtu bashkëshortja e tij si shoqëruese në masën 11,391 lekë.
Po ashtu, si individ i paaftë për punë trajtohet edhe me vlerën 3,300 lekë.
Pra në total 44,184 lekë.
2.Qytetari Halil Dedja, trajtohet me pension “Pleqëri e Plotë” në masën 10,099 lekë, dhe njëkohësisht trajtohet me ndihmë ekonomike në masën 9,028 lekë, pra në total 19,127 lekë.
Duhet të theksojmë se familja e banorit Halil Dedja është ndihmuar nga institucioni ynë edhe me ndihma ushqimore përgjatë këtij viti pandemik.
“Gënjeshtra i ka këmbët e shkurtra”!
