Bashkia Mat Qendra Kulturore e Fëmijëve Burrel organizoi sot pasdite një aktivitet festiv me rastin e 1 Qershorit, Ditës Ndërkombëtare të Fëmijëve. Mjediset e QKF-së i ishin dekoruar dhe përshatur për festën e fëmijëve. Binin në sy pikturat e vizatimet e frekuentuesve të qendrës.
Aktivitetin e hapi Drejtoresha e Qendrës Kulturore të Fëmijëve Mat, Anduena Sefgjini, e cila tha se qendra mirëpret të gjithë fëmijët për të gjitha kurset falas që QKF ofron. Festën e 1 Qershorit fëmijëve ua uroi Kryetari i Bashkisë Mat, Agron Malaj, i cili premtoi se puna e bashkisë për fëmijët nuk do të ndalet.
Fëmijët frekuentues të qendrës, intepretuan personazhe të ndryshme të filmave vizatimor duke përcjell përmes tyre edhe mesazhe të rëndësishme drejtuar prindërve.
