Adrian Haxhiaj është një ndër ata qytetarë shqiptarë, i cili ka vendosur të rikthehet në Shqipëri për të dhënë kontributin e tij profesional, në cilësinë e Drejtorit Ekzekutiv të “Albadron”, kompania e parë në vendin tonë e fokusuar në sistemet UAS (dronet).
Haxhiaj ka zhvilluar së fundmi një takim me disa adoleshentë në vendlindjen e tij, Burrel, me të cilët ka biseduar mbi përdorimin e dronëve.
Në kuadër të këtij aktiviteti, kryebashkiaku i Matit, Agron Malaj, përmes një postimi në “Facebook”, vë theksin te qëllimi dhe angazhimi i Bashkisë Mat për nxitjen e të rinjve drejt teknologjisë dhe avantazheve të saj.
Postimi:
Adrian Haxhiaj nuk është një emër i panjohur për shumëkënd në #Burrel, por ky emër nuk u thoshte asgjë deri dje, 14-vjeçarëve të sotëm.
I larguar prej vitesh nga Shqipëria, ai kthehet në vendlindje në cilësinë e Drejtorit Ekzekutiv të “Albadron”, kompania e parë në vendin tonë e fokusuar në sistemet UAS (dronet).
Në këtë takim me të rinj 10-14 vjeç, diskutuam mbi përdorimin e dronëve, duke ju ofruar pjesën teorike të funksionimit dhe pjesën praktike duke i përdorur gjithsecili individualisht.
Bashkia #Mat do të vijojë përpjekjet për të siguruar sa më shumë projekte të robotikës, mekatronikës dhe aplikacioneve, pasi besojmë se ato janë një nxitje shumë e mirë për t’i shtyrë të rinjtë drejt teknologjisë dhe avantazheve që ajo sjell.
Ne duam që të rinjtë tanë të kenë të gjitha mundësitë për t’u aftësuar në dije dhe praktikë dhe pse jo, nesër secili prej tyre të shkëlqeje nëpër botë, por të mos harrojë edhe vendin e tij të lindjes #Burrel ❤
#AdrianHaxhiaj
Bashkia Mat Faqja Zyrtare