Disa ditë para afatit zyrtar të ngrohjes së institucioneve arsimore Bashkia Mat ka siguruar lëndën drusore, të mjaftueshme deri në fund të pranverës.
Me anë të sektorit të pyjeve dhe të brigadës së prodhimit të drurëve të zjarrit, ka nisur sot punën për shpërndarjen e lëndës drusore për ngrohjen e shkollave, kopshteve dhe çerdheve.
Janë planifikuar të shpërndahen gjatë tri fazave 700 metër kub dru zjarri. Mësohet se sasia e materialit drusor është planifikuar sipas numrit të klaseve që përdorin dru zjarri për ngrohje.
Në se moti do të jetë i ftohtë bashkia do të sigurojë sasi të tjera lënde drusore për shkollat, kopshtet e çerdhet që ka në juridiksionin e saj.
