Qyteti Plymouth në Britaninë e Madhe, ka prerë palma në një prej parqeve në menaxhim të tyre. Vendimi ka ardhur nga skenat e turpshme të çifteve që kryenin marrëdhënie gjatë natës nën to.
Prerja e palmave në “Hoe Park” është kthyer në një burim akuzash dhe reagimesh kundër këshillit, për shkak se i njëjti kishte urdhëruar prerjen e disa pemëve shekullore në fillim të këtij viti.
Një banor i tha Plymouth Live: “U trondita kur bëra shëtitjen time të zakonshme në zonë dhe pashë shumë palma të prera atje. A nuk e kupton këshilli se një numër i madh njerëzish janë të traumatizuar nga ajo që po bëjnë me pemët?”.
Pavarësisht kritikave për prerjen e pemëve në zonën bregdetare të qytetit, këshilli u mbrojt me pretendimin se zona po përdorej për seks nga çiftet e reja dhe për të konsumuar drogë.
