Gjatë prezantimit të flotës së ambulancave të reja, kryeministri Edi Rama foli për bonusin e bebeve që do të aplikohet në janar të këtij viti.
Pasi uroi Vitin e Ri, Rama pati edhe një mesazh në formë batute për çiftet e reja.
Në mbyllje të fjalës së tij në prezantimin e flotës së ambulancave të reja, kryeministri kujtoi bonusin e bebeve duke nxitur çiftet e reja me një batutë.
“Nga ana tjetër sigurisht që krahas bursës për ekselentët do japim dhe bursën për ata që vijnë në jetë, bonusin e bebes.
Kuptohet që ata që vijnë të parët do e kenë më të ulët, ata që vijnë të dytët do e kenë më shumë, ata që vijnë të tretët akoma më shumë, 400 të parët, 800 të dytët, 1200 të tretët dhe kur vijnë bashkë i marrin po bashkë njësoj. Binjakët marrin 800 të dy, të tretët marrin 1200 të tre.
Kështu që duke iu uruar Gëzuar Vitin e Ri dhe duke iu uruar çifteve të reja që të shtyjnë fortë përpara, ju uroj të gjithëve shumë sukses në Urgjencën Kombëtare”, tha Rama.