Sipas Bild, për Noussair Mazraoui nuk po interesohen vetëm Milan-i dhe Barcelona. Edhe Bayern Munich duket se është vënë në gjurmët e mbrojtësit të krahut të Ajax-it.
Kontrata e lojtarit me klubin është drejt skadencës dhe nuk ka ndërmend ta rinovojë. Raiola ka vënë si kusht për zbarkimin e Haaland në Katalonjë edhe marrjen e mbrojtësit të ri nga ana e katalanasve.
Për Milan-in dhe Barçën, Mazraoui do të ishte në operacion shumë i mirë, për shkak të talentit të tij dhe faktit se mund të merret me kosto zero.
Bayern Munich, që duket se po kërkon një mbrojtës krahu sulmues për sezonin e ardhshëm, duket se është vënë edhe në gjurmët e lojtarit të Inter-it, Dumfries.
Por, ndryshe nga Mazraoui, zikaltrit nuk është afër skadencës së kontratës dhe bavarezët do të duhet ta vënë dorën te portofoli për të bindur Inter-in ta shesë holandezin.
I transferuar në Milano për të marrë vendin e Hakimi-t, paraqitjet e ish-lojtarit të PSV-së nuk kanë kaluar pa u vënë re nga klubi gjerman, që duket se është i gatshëm të paguajë 30 milionë euro për të.
Megjithatë, milanezët, që e kanë blerë për 15 milionë euro, kërkojnë të paktën 50 milionë euro.