Shoqata e Prodhuesve Europianë të Automjeteve (ACEA), një lider në këtë sektor, shprehu sot shqetësime të forta në lidhje me tarifat e mundshme amerikane mbi importin e automjeteve, duke paralajmëruar se ato do të dëmtojnë prodhuesit në të dyja anët e Atlantikut.
Këto shqetësime erdhën disa ditë pasi Departamenti amerikan i Tregtisë i paraqiti presidentit Donald Trump gjetjet e tij se si importimi i automjeteve dhe pjesëve prek sigurinë kombëtare.
Ky raport, gjetjet e të cilit ende nuk janë bërë publike, mund të përbëjë bazat për Trump që të rrisë tarifat mbi importimin në SHBA të automjeteve dhe pjesëve të tyre, një veprim të cilin ai e ka paralajmëruar prej shumë kohësh.
“Tarifat shtesë mbi automjetet e importuara dhe pjesëve të tyre mund të shkaktojë një rritje të konsiderueshme të kostove të brendshme dhe ndërkombëtare për prodhuesit e automjeteve në SHBA”, paralajmëroi ACEA-ja. /atsh/