Aktori i njohur amerikan, Matthew McConaughey ka deklaruar se babai i tij ndërroi jetë duke kryer marrëdhënie seksuale. Aktori 53-vjeçar foli për prindërit e tij në librin e kujtimeve Greenlights, duke i përshkruar dy personat e shtrenjtë si “Oqeani Paqësor në një stuhi”.
Kay dhe James McConaughey kaluan një kohë mjaft të trazuar, pasi u divorcuan dy herë dhe u martuan tre herë. Por, pavarësisht nga problemet që kishin, aktori tha se kohët e këqija ishin ‘zëvendësuar nga dashuria dhe humanizmi’ që kishin për njëri-tjetrin.
Aktori zbuloi se babai i tij “parashikoi” se ai do të vdiste duke bërë dashuri me gruan e tij – një profeci që përfundoi duke u realizuar. Duke përshkruar momentin në librin e tij, Matthew shkroi: “Kam marrë një telefonatë nga nëna ime: “Babai yt vdiq”. Gjunjët e mi u përkulën.
Nuk mund ta besoja. Ai ishte babai im. Ai gjithmonë më thoshte mua dhe vëllezërve të mi: “Djema, kur të shkoj, do të bëj dashuri me nënën tuaj”. Dhe ja çfarë ndodhi. Ai pati një atak në zemër kur arriti kulmin.”