Dua Lipa ka ndarë një lajm të bukur këtë mëngjes të hëne, duke bërë të ditur se DJ me famë botërore, Calvin Harris do të jetë në Prishtinë në festivalin që ka për organizator babain e saj, Sunny Hill në 2.3 dhe 4 gusht.
Dua ka postuar një video të DJ i cili flet për udhëtimin e tij në Kosovë këtë verë. “Jam shumë e lumtur t’ju njoftoj se Calvin Harris do të vijë në Prishtinë për Sunny Hill Festival në datat 2,3 dhe 4 gusht. Jam mirënjohëse për të gjithë miqtë që do të vijnë në Kosovë, duke e bërë këtë gjë të mundur, duke na mbështetur ne dhe rininë e Kosovës për një të ardhme më të ndritur!”, shkruan Dua Lipa.