Kandidati i PD-së së drejtuar nga Enkelejd Alibeaj për Bashkinë e Tiranës, Roland Bejko beson se ai do të fitojë në kryeqytet dhe jo koalicioni “Bashkë Fitojmë” me kandidat Këlliçin.
I ftuar në emisionin “Opinion”n, Bejko thotë se Berisha nuk e ka dashur bashkimin e Partisë Demokratike.
Roland Bejko: Rama sa të ketë Berishën dhe Metën rri sa të dojë në pushtet. Sali Berishës iu dha mundësia që të bashkoheshim në nivel lokal. Ju dha mundësia nga PD-ja për hir të demokratëve, hajt ta bëjmë edhe aktin e fundit. Akti i fundit ishte që dilnim me kandidatë të përbashkët në zgjedhjet e 14 Majit. Sali Berisha që është e shkuara, nuk e pranoi këtë ofertë për të bërë alibinë që unë humba nga Roland Bejko. E zëmë se në Tiranë do të humbasë nga unë Sali Berisha, por unë them se humbet ai se unë përfaqësoj vlera të tjera që non grata i ka zeruar ato vlera. Sali Berisha kishte rastin që ta hiqte këtë lloj alibie. Çfarë do të thotë ai po humbi?
Blendi Fevziu: Do të thotë më morën vulën.
Roland Bejko: Pse more unë do të rri të mendoj se çfarë do të thotë Berisha. Ai nuk e do fitoren e kandidatëve.