Kandidati i Partisë Demokratike për Tiranën, Roland Bejko zhvilloi një takim me qytetarët ku u prezantoi atyre programin për sportin dhe shëndetin. Ai premtoi se do të ndërtojë 5 komplekse sportive në hyrje të Tiranës.
Kandidati demokrat tha se çdo qytetar mbi 16 vjeç do të pajiset me sport card, që do iu mundësojë futjen në qendrat sportive private me një çmim të reduktuar.
“Ne do të financojmë dhe mbështesim klubin e sportit Tirana që skuadra më përfaqësuese e kryeqytetit të tejkalojë përmasat kombëtare dhe të ballafaqohet me ekipin më të mira të rajonit. Ne do të shpërndajmë për çdo qytetar të qytetit mbi 16 vjeç, sport card, një abone bashkiake për sportin dhe subvencionim, dhe abonim për aktivitetet sportive .Kjo kartë do i lejojë qytetarëve futjen në mjedise sportive pubike dhe të kenë ulje çmimi në mjedise sportive private. Bashkë me 5 tregjet e reja në 5 hyrjet e qytetit, do ndërtojmë edhe 5 komplekse sportive në 5 pikat hyrëse të kryeqytetit për të ushtruar sportet më të praktikuara në vend”, tha Bejko.