42-vjeçari Rishi Sunak do të bëhet zyrtarisht kryeministri i Britanisë së Madhe këtë të martë, pasi fitoi garën për lidershipin e Partisë Konservatore. Sunak do të udhëtojë për Pallatin Buckingham, ku mbreti Charles III do t’i japë zyrtarisht postin e kryeministrit, pasi të japë dorëheqjen Liz Truss.
Në orën 09:00 me orën lokale, Truss do të mbajë mbledhjen e fundit të kabinetit, që do të pasohet më pas duke dhënë dorëheqjen tek mbreti.
Sunak është kryeministri i parë indian në Britani dhe njëkohësisht edhe kryeministri më i ri në më shumë se një shekull, 42 vjeç.