Këtë të martë në Gjykatën e Durrësit, pritet që të fillojë seanca për shqyrtimin e kërkesës së kryebashkiakut të zgjedhur të Himarës, Fredi Beleri. Pranë ambienteve të Gjykatës ka mbërritur edhe ambasadorja e Greqisë në vendin tonë, Konstantina Kamitsi.
Kërkesa e Belerit për leje të posaçme nga burgu për t’u betuar si kryebashkiak para këshillit të Bashkisë Himarë, shqyrtohet sot në Gjykatën e Durrësit. Po ashtu Beleri ankimon vendimin e Drejtorisë së Burgjeve, që i refuzoi lejen që do t’i mundësonte marrjen e detyrës së kryebashkiakut.
Pas kalimit për kompetencë nga Gjykata e Posaçme në atë të Durrësit, kërkesa e tij ka kaluar një tjetër “ping-pong”, këtë herë mes gjyqtarëve.