Ish deputeti dhe anëtari i Kryesisë së PD-së, Belind Këlliçi ka publikuar një video, ku kryeministri Edi Rama vite më parë deklaronte se Shqipëria nuk do të bëhej vendi ku vende shumë të pasura do të krijonin kampe refugjatësh.
Këlliçi e ka nxjerrë zbuluar, pas marrëveshjes që numri një i qevrisë nënshkroi një ditë më parë në Itali për emigrantët.
Ish deputeti e quan Ramën, një sharlatan, gënjeshtar i cili për pushtetin e tij personal është i gatshëm të bëjë gjithçka.
“Me zë dhe me figurë: Një kryeministër sharlatan, gënjeshtar, tradhëtar i kombit shqiptar. Dëgjojeni me veshët tuaj e shiheni se çfarë deklaronte vetëm 2 vite më parë. Ky njeri është i gatshëm të bëjë gjithçka, të shkelë mbi çdo normë apo parim, vetëm për pushtetin e tij personal!”, shkruan Këlliçi.