Vajza e Jennifer Lopez dhe Marc Anthony, Emme Maribel Muniz duket se ka trashëguar talentin e prindërve të saj në të kënduar. Ndonëse është 11 vjeç dhe paksa e turpshme, Emme ka treguar se mund të jetë fare mirë pjesë e skenave muzikore.
Javën e kaluar, Jennifer Lopez postoi një video në You Tube ku shfaqen prapaskenat gjatë përgatitjes së performancës live të këngës së saj më të re “Medicine”. Mirëpo, gjatë kohës që këngëtarja ushtronte vokalin e saj nën tingujt e pianos, Emme iu bashkua duke kënduar këngën “If I Ain’t Got You” të Alicia Keys.
Sikurse mund të shihet në videon e mëposhtme, të tërë të pranishmit u impresionuan nga 11-vjeçarja dhe JLo-s i reflektohej në fytyrë krenaria e ndjerë karshi së bijës.