Med’hi Benatia i ka dhënë fund aventurës së tij në Itali dhe është prezantuar zyrtarisht si futbollisti më i ri i Al Duhailit në kampionatin e Katarit.
Mbrojtësi i cili në të kaluarën ka luajtur edhe me Bajernin e Romën, ka thënë fjalët e tij të para pas transferimit, duke treguar edhe shkaqet që e shtynë të zgjidhte Katarin.
Sa i përket fjalëve të thëna se po ikën për më shumë para, Benatia është shprehur se nuk e ka bërë për këtë arsye zgjedhjen e Katarit, por ka pasur të tjera arsye.
“Pas disa negociatash shumë të gjata, më në fund arrita të firmosja me skuadrën e re. Kam arritur të fitoj gjithçka me Bajernin, Romën e Juventusin e tashmë ka ardhur koha që të kem objektiva të reja.
Zgjedhja që unë bëra për të luajtur në Katar, duhet të respektohet nga të gjithë pasi ishte zgjedhja më e mirë për mua dhe familjen time. Nuk erdha këtu për të marrë më shumë para, por dua që fëmijët e mi të rriten në një ambient ku mbizotëron feja islame”, u shpreh Benatia.