Një 78-vjeçar është përplasur nga një automjet në vendin e quajtur “Varri i Babaliut”. Pas aksidentit, shoferi është larguar menjëherë nga vendngjarja.
78-vjeçari Faslli Arapi është transportuar drejt Spitalit Rajonal të Beratit ku ndodhet në kujdesin e mjekëve, me plagë të shumta në kokë e trup.
Në vendngjarje kanë shkuar efektivë të shumtë të policisë rrugore, të cilët pasi kanë rrethuar perimetrin e vendit të aksidentit dhe po kryejnë edhe veprimet hetimore në vendngjarje.
Nga këqyrja e kamerave të sigurisë, është identifikuar edhe mjeti që shkaktoi aksidentin dhe u largua nga vendngjarja. Bëhet fjalë për automjetin tip ‘Mercedes Benz’, me targa AA 671 KE, në pronësi të një shtetasi nga fshatin Mbrakull në Poliçan, emri i të cilit nuk bëhet i ditur deri në ndalimin e tij. Policia po punon për kapjen e tij.