Vizitat e ish-ministrit të Shëndetësisë, Ilir Beqaj në SPAK që kthehen në shumë orë qëndrimi, janë shumë të shpeshta. Edhe këtë të premte ai është paraqitur në ambientet e SPAK-ut, së bashku me avokatin mbrojtës.
Beqaj është në hetim edhe për abuzimet te SASPAC, Agjencia e koordinimit të fondeve të huaja. Të martën (9 janar), Ilir Beqaj u mor në pyetje për rreth 9 orë për koncesionin e sterilizimit.
Në dalje nga SPAK ku u shoqërua nga avokati Ermal Yzeiraj, në një prononcim për mediat, Beqaj tha se seancat e marrjes në pyetje do të vijojnë ndërsa përsëriti sërish kërkesën ndaj SPAK, që të administrohen të plota materialet e raportit të e auditit të KLSH-së.
Teksa i konsideroi hetimet komplekse, nënvizoi se është e nevojshme që të shtrihen më herët se dhënia e koncesionit nga marsi i vitit 2011 deri në shtator të vitit 2013.