Vetëm pak javë më parë, ‘The Voice Of Albania Kids’ përfundoi dhe duket se Miriam Cani është gati për të sjellë projekte të reja në muzikë. Bukuroshja ka publikuar së fundmi në ‘Instagram’ disa foto bashkangjitur së cilës ka shkruar: “Flokët e përfunduar, thonjtë e përfunduar, gati për çfarë?”. Menjëherë pas këtij momenti ka ndarë foton krah partnerit të saj, Alban Skënderaj dhe kompozitorit Elgit Doda në studio.
Nuk dihet ende se për çfarë bëhet fjalë, por mesa duket Miriami ka rezervuar surprizën më të bukur për të gjithë ndjekësit e saj. Krahas impenjimeve të shumta që i rezervoi spektakli i fëmijëve, duket se ajo ka vendosur të rikthehet sërish me një këngë.
