Zbulohet kompania që iu përgjigj kërkesës së KQZ për vlerësimin mbi kostot e përdorimit të sistemit të pajisjeve të identifikimit elektronik të zgjedhësve, në zgjedhjet e 25 prillit.
E vetmja kompani e cila i është ofruar KQZ për tenderin e pajisjeve për identifikimin biometrik të votuesve është SMARTMATIC WORLDWIDE HEADQUARTERS. Ajo ka ofruar paraprakisht kosto projekti 20.723.000$.
Gjithashtu mësohet se kompania me bazë në Angli, ka profil specifik që prej vitit 2000 për prodhimin e sistemeve të votës elektronike, të përdorura në vende, si Estoni, Filipine, etj.
kjo kompani vjet i bëri PS-së votimin elektronik në parti. Kur zbatoi këtë proces në selinë e mazhorancës, përfaqësuesit e kësaj kompanie u takuan edhe me opozitën e po ashtu edhe me komisionin e posaçëm të reformës zgjedhore.