Ish-kryeministri Sali Berisha akuzoi Lulzim Bashën se po e mban PD me “persona të fortë”, të cilëve u bën thirrje të largohen.
Ai i referohet ditës së 18 dhjetorit, pikërisht kur pas referendumit, me Komisionin e Rithemelimit të PD-së, Berisha shkoi në selinë blu për të publikuar rezultatet e referendumit për shkarkimin e Bashës.
Berisha foli në emisionin “Të Paekspozuarit” dhe deklaroi: “Atë ditë nuk hymë në ndërtesë, sepse më thanë që sallat nuk kanë drita. Kjo është çfarë më thanë mua. Më vonë e mora vesh se, Basha mban disa aktivistë të PD-së dhe bëjnë të fortin. Ata bëjnë gabim fatal. Ata janë me emra. I dimë shumë mirë. U bëj thirrje që të largohen nga selia. Selia nuk është e të fortëve. Të mos bëjnë të fortin e Lulzim Bashës, se është mercenarizëm. Është e faktuar që ka pasur edhe shqiptarë nga treva të tjera.
Janë të identifikuar. E di dhe u çoj mesazhin e duhur. U them atyre dhe Lulzim Bashës se nuk ka forcë në botë të pengojë vendimin e shkarkimit të firmosur nga anëtarët e PD-së. Nuk ka dhe nuk mund të ketë”, paralajmëroi Berisha.
Gjithashtu, ai i kërkoi edhe kryeministrit Edi Rama t’i largojë nga Basha njerëzit e armatosur.
“Edi Rama ka njerëz të armatosur që e shoqërojnë Lulzim Bashën. Basha nuk është kryetar i PD-së. Eshtë deputet i thjeshtë. Edi Rama të mos luajë me kukulla. Ne tani jemi në të drejtën tonë. Kemi bërë një proces që nuk e ka njohur Shqipëria më parë. Pra, të votojnë 44 mijë vetë për shkarkimin e një njeriu dhe të mblidhen në atë stuhi 4935 delegatë. Ato janë akte të një përkushtimi shumë të veçantë”, tha ish-kreu i PD