Pas përfundimit të mbledhjes së grupit parlamentar të PD-së ka folur për mediat edhe ish-kryeministri, Sali Berisha. Ish-kreu i demokratëve deklaroi se ai do të jetë sërish pjesë e grupit dhe se vendimi për të cilin pretendon Alibeaj është nul dhe nuk ekziston.
Sipas kreut të ish-kreut të PD, demokratët janë shprehur me votë për të, si më 11 dhjetor ashtu edhe me 6 mars.
“Vendimi që pretendon zoti Alibeaj është nul dhe nuk ekziston. Ky është qëndrimi i bazuar në
të gjitha ligjet e vendit dhe ligjet e PD. Të krahasosh fituesin me humbësin, është një gabim i madh logjik. Grupi do të diskutojë, do të ketë mbledhje, është organ legjislativ i PD që do të bëj debate për të gjitha.
Është rast unik që PD të bashkohet me diversitetin e saj. Ka diversitet, që e bën edhe më demokratike PD. Kjo është e vërtetë. (Pyetja: Alibeaj mendon që nuk ndodh bashkimi me një të shpallur non grata) Cilido që mendon bën zgjidhjen e tij, demokratët kanë folur për këtë, kanë folur me 11 dhjetor dhe 6 mars”, u shpreh Berisha.