Sali Berisha nga banesa ku qëndron në izolim që prej 30 dhjetorit 2023, bëri një tjetër denoncim të fortë në lidhje me aktivitetin kriminal të bandave dhe transferimin nga Dubai të 3 miliardë eurove dhe pastrimin e tyre.
Po ashtu Berisha ka bërë thirrje për protesta me synimin krijimin e qeverisë teknike. Sipas tij, kjo është e vetmja rrugë për rotacion politik dhe ardhjen e opozitës në pushtet.
”Të dashur miq, shtatori është muaji i opozitës. Nuk mund të pranojmë kurrë më që këta kriminelë, këta bashkëpunëtorë të bandave më të rrezikshme të Europës, vetëm njëri prej tyre ka transferuar nga Dubai në Europë, tre miliardë euro, Çopja. Imagjinoni ju se çfarë fuqie kanë ata, kur vetëm njëri prej tyre disponon gjysmën e prodhimit të përgjithshëm të Shqipërisë në vlerë. Miqtë e mi, Edi Rama duhet të largohet sa më parë. Protesta jonë për qeveri teknike, për zgjedhje të lira, është rruga e vetme e shpëtimit të Shqipërisë. Është rruga e vetme për ndryshimin e pushtetit. Rruga e vetme për ardhjen e opozitës në pushtet”,-tha Berisha.