Sali Berisha ka zhvilluar një takim me kryesinë e partisë, ku në fokus të diskutimeve ka qenë diaspora dhe procesi i votimit nga ana e saj. Teksa foli për mazhorancën, Berisha u shpreh se ata nuk kanë program, por vetëm mashtrime. ”Nuk u ofrojnë asgjë qytetarëve, përveç cinizmit të tyre, përveç përçmimit”, tha Berisha. Po ashtu kreu i PD, tha më tej se do të ulin në 70 lekë çmimin e energjisë.
”Modeli ynë: Enti Rregullator i Energjisë do të vendosë, do të rikthejë jo 77, por 70 lekë 300 kilovatët e parë. 100 lekë, jo 115 fashën e dytë. Kurse bizneset do të zbresin përsëri në 60 lekë”, tha Berisha. Në fund të fjalës së tij, i bëri thirrje diasporës dhe emigrantëve kudo që janë, të regjistrohen në portalin e KQZ-së, për të pasur mundësinë që të votojnë.
”Është e vërtetë që ka vështirësi, pse e tek, auditi ynë, një grup i yni po bën auditin e platformës dhe me shpejtësi do të na informojë se ku qëndrojnë problemet. Por përsëri, thirrja ime është: Mos e humbni durimin! Aplikoni dy, tri herë, deri sa të regjistroheni. Përveç kësaj, PD ka hapur portalin e saj në të cilën cilido që kërkon të mësojë më shumë, për procedurën e regjistrimit, regjistron emrin aty dhe në mënyrë automatike merr të dhëna të sakta, të plota, se çfarë procedure duhet të ndjekë, për t’u regjistruar në KQZ”.